విజయవాడలోని మణిపాల్ హాస్పిటల్ స్టాఫ్ కు కరోనా వ్యాక్సిన్ సేవలు ప్రారంభమయ్యాయి. మొత్తం 800 సిబ్బందికి.. ప్రతిరోజూ 100 మంది చొప్పున 8 రోజుల పాటు ఈ సేవలను అందిస్తున్నారు. ఫేస్-1 (మొదటిదశ)ను పూర్తి చేసుకున్న ప్రతి ఒక్కరు తప్పనిసరిగా రెండవదశలో.. అంటే 28 రోజుల తర్వాత తీసుకోవాలన్నారు . ఈ సందర్భంగా మణిపాల్ హాస్పిటల్ విజయవాడ హాస్పిటల్ డైరెక్టర్ డా. సుధాకర్ కంటిపూడి మాట్లాడుతూ.. కోవిడ్ వ్యాక్సినేషన్ సేవలను మా స్టాఫ్ కి అందించడం ఎంతో సంతోషంగా ఉందని.. ఆంధ్రప్రదేశ్ గవర్నమెంట్ కు మా హృదయ పూర్వక కృతజ్ఞతలు అందిస్తున్నామని తెలిపారు. ఈ ప్రమాదకరమైన కోవిడ్ ను నియంత్రించే క్రమంలో మన దేశ, రాష్ట్ర ప్రభుత్వాలు మరియు ఎంతోమంది పరిశోధకుల కృషి ఉందన్నారు. ఇటువంటి అవకాశాన్ని మాకు కల్పించటం ఎంతో సంతోషంగా ఉందన్నారు..
