హైదరాబాద్, వెలుగు : సీఎం రేవంత్ రెడ్డిని ఆయన నివాసంలో ప్రముఖ సినీ దర్శకుడు ఎస్వీ కృష్ణారెడ్డి, నిర్మాత అచ్చిరెడ్డి శనివారం మర్యాదపూర్వకంగా కలిశారు. ఈ సందర్భంగా వారు రేవంత్ రెడ్డికి పుష్పగుచ్ఛం అందజేసి శుభాకాంక్షలు తెలియజేశారు. అనంతరం అచ్చిరెడ్డి, కృష్ణారెడ్డితో సీఎం కాసేపు ముచ్చటించారు.
రేవంత్ను కలిసిన ఆర్టీసీ యూనియన్ నేత
రాష్ట్ర కాంగ్రెస్ ఐఎన్టీయూసీ అనుబంధ సంస్థ ఆర్టీసీ స్టాఫ్వర్కర్స్ యూనియన్ సెక్రటరీ జనరల్ హనుమంతు ముదిరాజ్ శనివారం సీఎం రేవంత్రెడ్డిని కుటుంబ సమేతంగా కలిశారు. ఈ సందర్భంగా ముఖ్యమంత్రికి శుభాకాంక్షలు తెలిపారు. బీఆర్ఎస్పార్టీని రేవంత్ మట్టి కరిపించి
తెలంగాణలో కాంగ్రెస్ పార్టీని అధికారంలోకి తీసుకువచ్చారని ప్రశంసించారు. కాంగ్రెస్ ప్రభుత్వంతో రాష్ట్రం మరింత అభివృద్ధి సాధిస్తుందన్నారు. ఆర్టీసీ ఉద్యోగులు ఎదుర్కొంటున్న సమస్యల గురించి సీఎంకు వివరించినట్టు హనుమంతు వెల్లడించారు.