హైదరాబాద్, వెలుగు: మునుగోడు ఉప ఎన్నికలో కాంగ్రెస్ నేతలకు డబ్బులు అందా యని ప్రజలు అనుకుంటున్నారని.. ఈటల రాజేందర్ చేసిన వ్యాఖ్యలు వాస్తవం కాదా అని బీజేపీ జాతీయ ఉపాధ్యక్షురాలు డీకే అరుణ ఒక ప్రకటనలో ప్రశ్నించారు. గుమ్మ డికాయల దొంగ అంటే భుజాలు తడుముకున్నట్టు రేవంత్రెడ్డి తీరు ఉందన్నారు. మీడియాలో ఉండేందుకే ఆయన డ్రామాలు ఆడుతున్నారని.. బీఆర్ఎస్, కాంగ్రెస్రెండూ ఒకటేనని ఎన్నోసార్లు రుజువైందన్నారు. ఇదే మాట ఈటల బహిరంగంగా చెప్తే అంత రోషమెందుకన్నారు. తెలంగాణ ఉద్యమ కారుడు, బలహీన వర్గాల నేతను ఇష్టం వచ్చినట్టు మాట్లాడితే బీజేపీ చూస్తూ ఊరుకోబోదన్నారు. బీఆర్ఎస్ కాంగ్రెస్తో లోపాయికారి ఒప్పందం చేసుకున్నట్టు హుజూరాబాద్, దుబ్బాక, మునుగోడు ఎన్నికల్లో తేలిపోయిందన్నారు.