పద్మారావునగర్, వెలుగు: గాంధీ ఆస్పత్రిలో పేషెంట్లు, డాక్టర్లకు ఫుడ్ తయారు చేసే డైట్క్యాంటీన్ లో అపరిశుభ్రత నెలకొంది. కిచెన్ ముందు డ్రైనేజీ నీరు పారుతుండగా దుర్గందపూరితంగా తయారైంది. వెంటిలేషన్ లేని మెయిన్ బిల్డింగ్ సెల్లార్ లోని క్యాంటీన్లో సిలిండర్లను వాడుతుండడం ఆందోళన కలిగిస్తుంది. రూ 2.70 కోట్లతో నిర్మించిన కొత్త డైట్క్యాంటీన్ బిల్డింగ్ ను గత నెల 20న మంత్రి హరీశ్రావు ప్రారంభించారు.
ALSO READ:రూ.లక్ష రుణమాఫీ చేయాల్సిందే : రైతుల డిమాండ్
20 రోజులు గడిచినా ఇంతవరకు కొత్త బిల్డింగ్ లోకి క్యాంటీన్ ను షిప్ట్ చేయలేదు. బిల్డింగ్ లో మైనర్ పనులు పూర్తి కాకపోవడంతో పాటు వంటలకు సంబంధించిన స్టీమ్ లైన్ టెస్టింగ్చేస్తున్నట్లు సమాచారం. సాధ్యమైనంత త్వరగా కొత్త బిల్డింగ్ లోకి డైట్క్యాంటీన్ను షిప్టింగ్ చేసినట్లయితే ఇబ్బందులు తప్పుతాయి.
