హైదరాబాద్ : ఓ మహిళకు రెండు గర్భ సంచులు ఉన్నట్లు గుర్తించిన డాక్టర్లు.. సర్జరీ చేసీ ఒక గర్భ సంచిని తొలగించినట్లు తెలిపారు. గర్భం సరిగా నిలబడకపోవడంతో సిద్దిపేట కు చెందిన ఓ మహిళ వెస్ట్ మారెడ్ పల్లిలోని ఓ ప్రైవేట్ హాస్పిటల్ కి ట్రీట్ మెంట్ కోసం వచ్చింది. ఆ మహిళకు 2 గర్భ సంచులున్నట్లు గుర్తించామన్న డాక్టర్లు.. ఈ క్రమంలోనే గర్భం నిలబడటంలేదని తెలిపారు. వెంటనే ఒక గర్భ సంచి తొలగించుటకు మహిళ కుటుంబ సభ్యులు అంగీకరించడంతో.. సోమవారం సర్జరీ చేసి ఒక గర్భ సంచిని తొలగించామన్నారు. ఒకే గర్భ సంచి ఉండే విధంగా కంప్యూటరైజ్ సర్జరీ చేశామని తెలిపారు డాక్టర్లు.
