చేవెళ్ల, వెలుగు: గొర్రెల మందపై కుక్కలు దాడి చేయడంతో 23 గొర్రెలు చనిపోయాయి. చేవెళ్ల మండలం ముడిమ్యాలకు చెందిన మొండ్ర మల్లేశ్గొర్రెల పెంపకంపై ఆధారపడ్డాడు. శనివారం గొర్రెలను మేపుకొచ్చిన ఆయన రాత్రి షెడ్లో ఉంచాడు. ఆదివారం తెల్లవారుజామున కుక్కల గుంపు షెడ్లోకి చొరబడి గొర్రెలపై దాడి చేశాయి. కుక్కల దాడిలో 23 గొర్రెలు చనిపోగా, మరో 15 గొర్రెలు గాయపడ్డాయి. గాయపడ్డ వాటికి చికిత్స చేశామని, చనిపోయిన గొర్రెల విషయమై ప్రభుత్వానికి నివేదిక పంపిస్తామని వెటర్నరీ డాక్టర్ మునీరుద్దీన్ చేవెళ్ల ఓఎస్ ఎండీ ఖలీల్చెప్పారు. గొర్రెల పెంపకంపైనే ఆధారపడి బతుకుతున్నానని ప్రభుత్వం ఆదుకోవాలని బాధిత రైతు కోరాడు.
