తెలుగులో లస్ట్ స్టోరీ వెబ్ సిరీస్ కన్ఫామ్ అయ్యింది. లస్ట్ స్టోరీస్. హిందీలో బాగా పాపులర్ అయిన వెబ్ సిరీస్. ప్రముఖ ఆన్ లైన్ స్ట్రీమింగ్ దిగ్గజం నెట్ ఫ్లిక్స్ సంస్థ “ లస్ట్ స్టోరీస్” వెబ్ సిరీస్ ను నిర్మించింది. కంప్లీట్ అడల్ట్ కంటెంట్ తో ఈ వెబ్ సిరీస్ కు హిందీలో విపరీతమైన క్రేజ్ వచ్చింది. ఈ క్రేజ్ ను క్యాష్ చేసుకునేందుకు బాలీవుడ్ నిర్మాత రోనీ స్కూవాలా టాలీవుడ్ లో తెరకెక్కిస్తున్నారు. ఈ వెబ్ సిరీస్ ను తరుణ్ భాస్కర్, సందీప్ రెడ్డి వంగా, సంకల్ప్ రెడ్డి, నందిని రెడ్డిలు నిర్మిస్తున్నట్లు వార్తలు వచ్చాయి. ఈ పుకార్లపై స్పందించిన నందిని రెడ్డి తాము హిందీ లస్ట్ స్టోరీస్ ను తెలుగులో రీమేక్ చేయడం లేదని చెప్పుకొచ్చింది. ఫ్రెష్ కంటెంట్ తో వెబ్ సిరీస్ కు దర్శకత్వం వహిస్తున్నట్లు చెప్పింది.
