ఫిల్మ్ మేకర్గా, నటుడిగా తనకంటూ మంచి గుర్తింపును తెచ్చుకున్న రవిబాబు.. మరో ఎక్సయిటింగ్ ప్రాజెక్టుతో ప్రేక్షకుల ముందుకు రాబోతున్నాడు. తను లీడ్గా నటిస్తూ దర్శకత్వం వహించిన తాజా చిత్రం ‘రేజర్’. సురేష్ బాబు సమర్పణలో ఫ్లయింగ్ ఫ్రాగ్స్ సంస్థ ఈ చిత్రాన్ని నిర్మిస్తోంది. ఇటీవల షూటింగ్ కంప్లీట్ కాగా, తాజాగా పోస్ట్-ప్రొడక్షన్, డబ్బింగ్ పనులు కూడా కంప్లీట్ అయ్యాయని మేకర్స్ తెలియజేశారు.
ఈ నేపథ్యంలో శుక్రవారం రిలీజ్ డేట్ను అనౌన్స్ చేశారు. తన తండ్రి చలపతి రావు జయంతి అయిన మే 8న ఈ చిత్రాన్ని విడుదల చేయనున్నట్టు ఇన్స్టాగ్రామ్లో ఓ ఎమోషనల్ పోస్ట్ను షేర్ చేశాడు రవిబాబు. అలాగే ‘రేజర్’ వరల్డ్ని పరిచయం చేసేలా కొత్త పోస్టర్లను రిలీజ్ చేశారు.
ఇంటెన్స్ లుక్లో పవర్ఫుల్గా కనిపిస్తున్న రవిబాబు గెటప్ ఆకట్టుకుంది. ఈ చిత్రానికి చరణ్ మాధవనేని సినిమాటోగ్రఫీ అందిస్తుండగా, ఎస్ఎస్ రాజేశ్ సంగీతం అందిస్తున్నాడు. యాక్షన్ సన్నివేశాలకు సతీష్ పోలోజు కొరియోగ్రఫీ చేస్తున్నాడు. మరోసారి రవిబాబు, సురేష్ బాబు కాంబినేషన్లో వస్తున్న ఈ సినిమాపై అంచనాలు ఏర్పడ్డాయి.
