లింగంపేట, వెలుగు: మండలంలోని రామాయిపల్లి ఫారెస్ట్బీట్ ఆఫీసర్బండి భూపతి నిర్లక్ష్యం కారణంగా తమకు పోడు భూముల పట్టాలు రాలేదని ఆరోపిస్తూ గురువారం మధ్యాహ్నం లింగంపేట మండలంలోని జగదాంబతండా, అన్నారెడ్డిపల్లి తండాలకు చెందిన గిరిజనులు స్థానిక పోలీస్ స్టేషన్కు తరలివచ్చారు. రామాయిపల్లి శివారులో రెండు తండాలకు చెందిన గిరిజనులు ఏళ్లుగా పోడుభూములు సాగు చేస్తున్నారని, పోడు పట్టాల కోసం రెవెన్యూ, ఫారెస్ట్ఆఫీసర్లు జాయింట్సర్వే చేయలేదని చెప్పారు. పట్టాలు ఇప్పిస్తానని బీట్ఆఫీసర్భూపతి లంచం డిమాండ్ చేశాడన్నారు. డబ్బులు ఇవ్వకపోవడంతో తమకు పట్టాలు అందకుండా చేసినట్లు ఆరోపించారు. బీట్ ఆఫీసర్పై జిల్లా కలెక్టర్కు, డీఎఫ్వోకు ఫిర్యాదు చేస్తామని గిరిజనులు పేర్కొన్నారు.
గిరిజనులపై పోలీసులకు ఫిర్యాదు..
రామాయిపల్లి ఫారెస్ట్పరిధిలోని 688 కంపార్ట్మెంట్లో జగదాంబతండాకు చెందిన గుగులోత్లక్ష్మణ్, రమావత్ కుమార్, ఎఫ్ఆర్సీ చైర్మన్సరిచంద్తో పాటు మరికొందరు గిరిజనులు పోడు భూముల పేరిట 9 హెక్టార్ల భూమిని చదును చేశారని,3.5 హెక్టార్ల విస్తీర్ణంలో చెట్లు నరికారని డిప్యూటీ రేంజ్ఆఫీసర్రవి, బీట్ఆఫీసర్ బండి భూపతి గురువారం స్టేషన్లో ఫిర్యాదు చేశారు. డిప్యూటీ రేంజ్ఆఫీసర్రవి గిరిజనులతో మాట్లాడుతూ సమస్యను ఉన్నతాధికారుల దృష్టికి తీసుకెళ్తానని, అప్పటి వరకు చెట్లు నరకొద్దని కోరగా, గిరిజనులు నిరాకరించారు. పట్టాలు ఇచ్చే వరకు పోడు భూములు సాగు చేసుకుంటామని తేల్చి చెప్పారు. ఫారెస్ట్బీట్ఆఫీసర్ భూపతి ఫిర్యాదు మేరకు కేసు నమోదు చేసినట్లు ఏఎస్ఐ ప్రకాశ్తెలిపారు.
