కాగజ్ నగర్, వెలుగు: పోడు భూములను కాపాడుకునేందుకు రైతులు గోస పడుతున్నారు. పెంచికల్పేట్ మండలం జైహింద్పూర్లో గత మూడు రోజులుగా పోడు భూమిలోనే ఉంటూ అక్కడ మొక్కలు నాటకుండా చూస్తున్నారు. గత 15 రోజులుగా పోడు భూముల రీట్రైవ్ కోసం ఫారెస్ట్ ఆఫీసర్లు ప్రయత్నం చేస్తుండగా రైతులు అడ్డుకుంటున్నారు. అయితే ఆ రైతులు నాన్ ట్రైబల్స్ కావడంతో ఫారెస్ట్ ఆఫీసర్లు ఈ భూములు స్వాధీనం చేసుకుంటామని స్పష్టం చేస్తున్నారు.
దీంతో అధికారులు ఎప్పుడైనా వచ్చి ట్రెంచ్ కొట్టడం, మొక్కలు నాటేందుకు చదును చేసే అవకాశం ఉందని రాత్రి కూడా ఆ పోడు భూముల్లోనే నిద్రిస్తున్నారు. దశాబ్దాలుగా సాగు చేస్తున్న ఆ భూములు వదులుకోమని రైతులు వెల్లడిస్తున్నారు.
