బర్త్డే పార్టీ, వెడ్డింగ్ యానివర్సరీ అయినా న్యూ ఇయర్ వెల్కమ్ పార్టీ అయినా కేక్ కట్ చేయాల్సిందే. ఈ స్పెషల్ అకేషన్స్ కోసం కొందరు స్పెషల్గా ఇంట్లోనే కేక్స్ తయారు చేసుకుంటారు. తీరా కేక్ ప్రిపరేషన్ మొదలుపెట్టాక... కావాల్సిన టూల్స్ లేక ఇబ్బంది పడతారు. అలాకాకుండా ఉండాలంటే కేక్ తయారుచేసేముందే ఈ టూల్స్ ఇంట్లో ఉన్నాయో, లేదో చూసుకోవాలి.
థర్మామీటర్
కేక్ ఫర్ఫెక్ట్గా రావాలంటే.. ఒవెన్లో ఎంత సేపు పెట్టాలి? ఏ టెంపరేచర్ ఉండాలి? అనేది చాలా ముఖ్యం. అందుకే టెంపరేచర్ని తెలుసుకునేందుకు ఒవెన్ థర్మామీటర్ వాడాలి. వీటిని చాలా కంపెనీలు మార్కెట్లోకి తీసుకొచ్చాయి. ఇవి 100 నుండి 600 డిగ్రీల ఫారెన్హీట్ టెంపరేచర్ వరకు మెజర్ చేస్తాయి. దీన్ని స్టెయిన్లెస్ స్టీల్తో తయారుచేస్తారు. వేడికి పగలకుండా లేబొరేటరీ గ్లాస్ లెన్స్ వాడతారు. దీన్ని ఒవెన్ షెల్ఫ్లో పెట్టొచ్చు. లేదా రాక్కి వేలాడదీయొచ్చు. ధర: 279 రూపాయల నుంచి మొదలు
పైపింగ్ నాజిల్స్
బేకరీల్లో కేక్స్ మీద రకరకాల డిజైన్లు కనిపిస్తుంటాయి. ఇంట్లో తయారుచేసుకున్న కేక్ మీద కూడా అలాంటి డిజైన్స్ వేసుకోవచ్చు. కాకపోతే.. అందుకోసం కోన్ షేప్ కవర్, నాజిల్స్ అవసరం. మార్కెట్లో చాలా కంపెనీలు వీటిని అమ్ముతున్నాయి. ఈ సెట్లో వివిధ డిజైన్లతో 36 రకాల నాజిల్స్తోపాటు కోన్ ఆకారంలో ప్లాస్టిక్ కవర్లు కూడా వస్తాయి. ధర: 169 రూపాయల నుంచి మొదలు
కట్టర్
ఇంట్లో కేక్ కట్ చేసిన ప్రతిసారి చిన్న చిన్న ముక్కలు కింద పడుతుంటాయి. చాలావరకు అందుబాటులో ఉన్న చాకుతో కేక్ కట్ చేస్తుంటారు. కట్ చేసిన ఆ కేక్ ముక్కను చేత్తో తీసి ప్లేట్లో వేసేలోపు విరిగిపోతుంటుంది. లేదంటే క్రీమ్ ఊడిపోయి కింద పడుతుంది. అలాంటప్పుడు ఈ అడ్జెస్టబుల్ కేక్ కట్టర్ని వాడాలి. దీంతో కేక్ ముక్కలు సమానంగా కట్ చేయొచ్చు. కట్ చేసిన ముక్కను చేత్తో తీసే అవసరం లేకుండా దాంట్లోనే హోల్డ్ చేసి ప్లేట్లో పెట్టొచ్చు. అంతేకాదు.. దీంతో కేక్ను లేయర్లుగా కూడా కట్ చేసుకోవచ్చు. ధర : 135 రూపాయల నుంచి మొదలు
లేయర్స్
ఢిపరెంట్ ఫ్లేవర్స్ కోసం కేక్ మధ్యలో ఫ్లేవర్డ్ క్రీమ్స్ కలపాల్సి ఉంటుంది. కానీ.. కేక్ని సన్న ముక్కలుగా కోయడం అంత ఈజీ కాదు. ఆ పనిని ఈజీగా చేసేందుకు ప్రత్యేకంగా కేక్ స్లైసింగ్ కిట్లు దొరుకుతాయి. ఈ కిట్లో ఉండే రింగ్లో కేక్ పెట్టి, కేక్ నైఫ్తో ఆరు సమాన లేయర్స్గా కట్చేసుకోవచ్చు. కేక్ లిఫ్టర్తో లేయర్ని తీసి, మధ్యలో బటర్క్రీమ్, చాక్లెట్, ఐసింగ్, మాస్కార్పోన్ విప్డ్ క్రీమ్ లాంటివి అప్లై చేసుకోవచ్చు. ధర: 1,000 రూపాయల నుంచి మొదలు
- నిర్వహణ: కరుణాకర్
