![రూ.2,945 కోట్లతో నారాయణపేట్–కొడంగల్ లిఫ్ట్](https://static.v6velugu.com/uploads/2024/02/government-has-given-administrative-approval-for-the-narayanpet-kodangal-lift-scheme_fkmBXpLuzI.jpg)
- రూ.2,945 కోట్లతో నారాయణపేట్–కొడంగల్ లిఫ్ట్
- ఉత్తర్వులు ఇచ్చిన ప్రభుత్వం
హైదరాబాద్, వెలుగు: నారాయణపేట్– కొడంగల్ లిఫ్ట్ స్కీంకు రూ.2,945.50 కోట్లతో ప్రభుత్వం పరిపాలన అనుమతులు ఇచ్చింది. నారాయణపేట్, కొడంగల్, మక్తల్నియోజకవర్గాల్లోని లక్ష ఎకరాలకు నీళ్లు ఇచ్చేందుకు ఈ ప్రాజెక్టును చేపట్టనున్నారు. ప్రాజెక్టుకు సంబంధించిన సర్వే, డిటైల్డ్ఇన్వెస్టిగేషన్, ల్యాండ్అక్విజేషన్ కోసం 2014లో ఇచ్చిన జీవో 69కి కొనసాగింపుగా గురువారం కొత్త ఉత్తర్వులు ఇచ్చారు. ఉమ్మడి ఏపీలో జూరాలపై చేపట్టిన భీమా ఎత్తిపోతల పథకం ఆధారంగా నారాయణపేట్– కొడంగల్ లిఫ్ట్ స్కీం పనులు చేపట్టనున్నారు. తెలం గాణ ఏర్పడిన తర్వాత కేసీఆర్ ప్రభుత్వం ఈ ప్రాజెక్టును పక్కన పెట్టింది. అసెంబ్లీ ఎన్నికల్లో కాంగ్రెస్గెలిస్తే నారాయణపేట్– కొడంగల్ లిఫ్ట్ స్కీమ్ పనులు చేపడుతున్నామని రేవంత్ హామీ ఇచ్చారు. సీఎంగా ప్రమాణ స్వీకారం చేశాక ప్రాజెక్టును పట్టాలెక్కించాలని అధికారులను ఆదేశించారు.