మొయినాబాద్ డ్రగ్స్ కేసులో అరెస్టైన ఏలూరు ఎంపీ పుట్టా మహేష్ కుమార్ యాదవ్ కు స్టేషన్ బెయిల్ మంజూరు చేశారు పోలీసులు. సోమవారం ( మార్చి 16 ) నుంచి పార్లమెంట్ సమావేశాలు ఉండటంతో బెయిల్ మంజూరు చేసినట్లు తెలుస్తోంది. ఎంపీ మహేష్ తో పాటు ఈ కేసులో అరెస్టైన ప్రియాంక రెడ్డికి కూడా నోటీసులు ఇచ్చి విడుదల చేశారు పోలీసులు. ఈ కేసులో అరెస్టైన మిగతా నిందితులు మాజీ ఎమ్మెల్యే రోహిత్ రెడ్డి, రితేష్ రెడ్డి, నమిత్ శర్మలను ఉప్పరపల్లి మేజిస్ట్రేట్ ముందు హాజరుపరచనున్నారు పోలీసులు.
ఈ కేసు దర్యాప్తు కోసం ఏర్పాటు చేసిన స్పెషల్ ఈగల్ టీం విచారణ ముమ్మరం చేసింది. ఈ కేసులో మొత్తం 11 మందిని ఒక్కొక్కరుగా విచారిస్తున్నారు పోలీసులు. విచారణలో కీలక సమాచారం సేకరిస్తున్నారు పోలీసులు. పార్టీకి డ్రగ్స్ ఎక్కడి నుంచి వచ్చాయి.. సరఫరా చేసిన నెట్వర్క్ ఎవరిదీ.. అనే కోణంలో దర్యాప్తు చేస్తున్నారు పోలీసులు.
►ALSO READ | మొయినాబాద్ ఫామ్ హౌస్ డ్రగ్స్ పార్టీ: టీడీపీ ఎంపీ పుట్టా మహేష్ యాదవ్కు పాజిటివ్
బీఆర్ఎస్ మాజీ ఎమ్మెల్యే పైలెట్ రోహిత్ రెడ్డి ఫామ్ హౌస్ లో జరిగిన పార్టీలో పోలీసులు 11 మందిని అరెస్టు చేశారు. ఈ కేసులో ఏలూరు ఎంపీ పుట్ట మహేష్ కూడా ఉండటంతో ఈ కేసు అటు ఏపీని కూడా షేక్ చేస్తోంది.మార్చి 14న రాత్రి ర్యాండమ్ చెకింగ్ లో భాగంగా పార్టీలో పాల్గొన్న అందరికీ డ్రగ్స్ టెస్టు నిర్వహించారు.
ఈ టెస్టులో మొదట పుట్టా మహేష్ కుమార్ కు నెగిటివ్ గా రాగా.. తర్వాత బ్లడ్ శాంపుల్ లో పాజిటివ్ గా రావడంతో ఏపీ పాలిటిక్స్ లో హాట్ టాపిక్ గా మారింది. పట్టుబడిన 11 మందిలో 6 మందికి పాజిటివ్ రాగా అందులో ఎంపీ మహేష్ కూడా ఉండటం గమనార్హం. దీంతో మహేష్ యాదవ్ ను కూడా అరెస్టు చేశారు పోలీసులు. డ్రగ్స్ పార్టీలో మహేష్ పాల్గొనడంతో పాటు వివిధ అంశాలపై విచారణ జరుపుతున్నారు.
