హైదరాబాద్, వెలుగు: ప్రజలకు వైద్యం అందించేందుకు మూడేండ్ల క్రితం 25 ప్రభుత్వ హాస్పిటల్స్ నిర్మించి, డాక్టర్లను నియమించలేదని ఫోరం ఫర్ గుడ్ గవర్నెన్స్ (ఎఫ్జీజీ) ప్రెసిడెంట్ పద్మనాభరెడ్డి అన్నారు. హాస్పిటల్స్ నిర్మాణం పూర్తి అయినా వైద్య సేవలు అందించేందుకు డాక్టర్లు, నర్సులు లేరని తెలిపారు.
డాక్టర్లు, నర్సులను నియమించాలని కోరుతూ శుక్రవారం సీఎం రేవంత్ రెడ్డికి పద్మనాభరెడ్డి లేఖ రాశారు. ఈ ఆసుప‌‌‌‌‌‌‌‌త్రుల‌‌‌‌‌‌‌‌లో 1,413 మంది వైద్యులు, ఇత‌‌‌‌‌‌‌‌ర సిబ్బంది కావాల్సి ఉండ‌‌‌‌‌‌‌‌గా కేవ‌‌‌‌‌‌‌‌లం 111 మంది మాత్రమే పనిచేస్తున్నారని లేఖలో ఆయన పేర్కొన్నారు.
ఇక 25 ఆసుప‌‌‌‌‌‌‌‌త్రుల‌‌‌‌‌‌‌‌లో కేవ‌‌‌‌‌‌‌‌లం మూడింటిలో మాత్రమే అర‌‌‌‌‌‌‌‌కొర‌‌‌‌‌‌‌‌గా వైద్యులు ఇత‌‌‌‌‌‌‌‌ర సిబ్బంది పనిచేస్తున్నారని చెప్పారు. మిగిలిన 22 ఆసుప‌‌‌‌‌‌‌‌త్రుల‌‌‌‌‌‌‌‌లో ఇంత‌‌‌‌‌‌‌‌వ‌‌‌‌‌‌‌‌ర‌‌‌‌‌‌‌‌కు వైద్యులు, నర్సులు, ఇత‌‌‌‌‌‌‌‌ర సిబ్బంది నియామ‌‌‌‌‌‌‌‌కం జ‌‌‌‌‌‌‌‌రగ‌‌‌‌‌‌‌‌లేదని పేర్కొన్నారు.
వైద్య విధాన ప‌‌‌‌‌‌‌‌రిష‌‌‌‌‌‌‌‌త్ ప్రకార‌‌‌‌‌‌‌‌ం కొన్ని ఆసుప‌‌‌‌‌‌‌‌త్రుల‌‌‌‌‌‌‌‌లో డిప్యుటేష‌‌‌‌‌‌‌‌న్ ప‌‌‌‌‌‌‌‌ద్ధతిలో కొంత‌‌‌‌‌‌‌‌మంది వైద్యులు, నర్సులు పనిచేస్తున్నారని పద్మనాభరెడ్డి వెల్లడించారు. డిప్యుటేష‌‌‌‌‌‌‌‌న్ పైన వ‌‌‌‌‌‌‌‌చ్చిన డాక్టర్లు, నర్సులు అనేక సందర్భాల్లో సరిగ్గా రాకపోవడంతో ఆసుప‌‌‌‌‌‌‌‌త్రులు సరిగ్గా ప‌‌‌‌‌‌‌‌నిచేయడం లేదని పేర్కొన్నారు.
