జయశంకర్ భూపాలపల్లి/ వర్ధన్నపేట, వెలుగు: గ్రామ పంచాయతీ మొదటి విడత ఎన్నికలకు రెండో రోజైన శుక్రవారం నామినేషన్ల ప్రక్రియ కొనసాగింది. జయశంకర్ భూపాలపల్లి జిల్లాలోని మొగుళ్లపల్లి మండలంలో సర్పంచ్ స్థానాలకు 20, వార్డు మెంబర్ స్థానాలకు 68, రేగొండ మండలంలో 14, 14, కొత్తపల్లిగోరి 13, 28, గణపురం 8 సర్పంచ్కు, 12 వార్డు మెంబర్ స్థానాలకు నామినేషన్లు దాఖలు అయ్యాయి. హనుమకొండ జిల్లాలో భీమదేవరపల్లి మండలంలో 37, 100, ఎల్కతుర్తిలో 22, 53, కమలాపూర్ మండలంలో 36 సర్పంచ్కు, 77 వార్డు మెంబర్ స్థానాలకు నామినేషన్లు వచ్చినట్లు అధికారులు తెలిపారు. వరంగల్ జిల్లా వర్ధన్నపేట మండలంలో 22 సర్పంచ్ నామినేషన్లు, 42 వార్డు మెంబర్ నామినేషన్లు దాఖలయ్యాయి.
ములుగు జిల్లా తాడ్వాయి మండలంలో 17, 6, ఏటూరునాగారం 16, 28, గోవిందరావుపేట మండలంలో 8 సర్పంచ్, 39 వార్డు మెంబర్ నామినేషన్లు వేశారు. జనగామ జిల్లాలో చిల్పూర్ మండలంలో 22, 34, స్టేషన్ఘన్పూర్లో 24, 31, లింగాలఘన్పూర్లో 36, 55, రఘునాథపల్లిలో 44, 47, జాఫర్ఘడ్లో 27 సర్పంచ్స్థానానికి, 23 వార్డు మెంబర్ స్థానాలకు నామినేషన్లు దాఖలు అయ్యాయి. మహబూబాబాద్ జిల్లాలో గూడూరు మండలంలో 32, 59, ఇనుగుర్తిలో 24, 14, కేసముద్రం 27, 38, మహబూబాబాద్ 35, 32, నెల్లికుదురు మండలంలో 43 సర్పంచ్ స్థానాలకు, 55 వార్డు స్థానాలకు నామినేషన్లు వేశారు. కాగా, జయశంకర్ భూపాపలపల్లి జిల్లా రేగొండ, గూడేపల్లిలో కలెక్టర్ రాహుల్ శర్మ నామినేషన్ల స్వీకరణను పరిశీలించారు.
