సూపర్ స్టార్ మహేష్ బాబు(Mahesh Babu), మాటల మాంత్రికుడు త్రివిక్రమ్(Trivikram) కాంబోలో వచ్చిన లేటెస్ట్ మూవీ గుంటూరు కారం(Guntur kaaram). లేటెస్ట్ బ్యూటీస్ శ్రీలీల(Sreeleela), మీనాక్షి చౌదరి(Meenakshi Chaudary) హీరోయిన్స్ గా వచ్చిన ఈ సినిమా సంక్రాంతి కానుకగా జనవరి 12న ప్రేక్షకుల ముందుకు వచ్చింది. అవుట్ అండ్ అవుట్ మాస్ అండ్ ఎమోషనల్ ఎంటర్టైనర్ గా వచ్చిన ఈ సినిమాకు ప్రేక్షకుల నుండి మిక్సుడ్ టాక్ వచ్చింది. కానీ, మహేష్ బాబు ఫ్యాన్స్ మాత్రం ఫుల్లుగా ఎంజాయ్ చేశారు. దీంతో బాక్సాఫీస్ వద్ద భారీ కలెక్షన్స్ రాబట్టింది ఈ మూవీ. మొదటిరోజు రూ.100 కోట్లకు పైగా గ్రాస్ రాబట్టిన గుంటురు కారం మూవీ లాంగ్ రన్ లో రూ.215 కోట్లు కలెక్ట్ చేసి సరికొత్త రికార్డ్స్ క్రియేట్ చేస్తోంది.
ఇక గుంటూరు కారం థియేట్రికల్ రన్ ముగియడంతో.. ఈ సినిమాను ఓటీటీలో రిలీజ్ చేసేందుకు ప్లాన్ చేస్తున్నారు మేకర్స్. తాజాగా గుంటూరు కారం ఓటీటీ రిలీజ్ డేట్ ను అధికారికంగా ప్రకటించారు. ఈ సినిమా ఓటీటీ హక్కులని ప్రముఖ సంస్థ నెట్‌ఫ్లిక్స్‌ సొంతం చేసుకున్న విషయం తెలిసిందే. ఫిబ్రవరి 9 నుండి స్ట్రీమింగ్ చేస్తున్నట్లు ప్రకటించారు. దీంతో మహేష్ ఫ్యాన్స్ ఫుల్ ఖుషీ అవుతున్నారు.
నిజానికి గుంటూరు కారం సినిమాకు మిక్సుడ్ టాక్ రావడంతో.. థియేటర్ కు వెళ్ళడానికి చాలా మంది ఇంట్రెస్ట్ చూపించలేదు. దీంతో ఈ సినిమా ఓటీటీ రిలీజ్ కోసం చాలా కాలంగా ఎదురుచూస్తున్నారు ఆడియన్స్. కాబట్టి ఓటీటీలో మంచి రెస్పాన్స్ వచ్చే అవకాశం ఉందని అంచనా. మరి థియేటర్స్ లో మిక్సుడ్ టాక్ తెచ్చుకున్న గుంటూరు కారం సినిమాకి ఓటీటీలో ఎలాంటి స్పందన వస్తుందో చూడాలి.
