సూపర్ స్టార్ మహేష్ బాబు(Mahesh Babu) హీరోగా వస్తున్న లేటెస్ట్ మూవీ గుంటూరు కారం(Guntur Kaaram). టాలీవుడ్ స్టార్ డైరెక్టర్ త్రివిక్రమ్(Trivikram) తెరకెక్కిస్తున్న ఈ సినిమాలో లేటెస్ట్ బ్యూటీస్ శ్రీలీల(Sreeleela), మీనాక్షి చౌదరి(Meenakshi Chaudary) హీరోయిన్స్ గా నటిస్తున్నారు. హారిక హాసిని క్రియేషన్స్ బ్యానర్ పై సూర్యదేవర నాగ వంశీ నిర్మిస్తున్న ఈ సినిమా 2024 సంక్రాంతి కానుకగా జనవరి 12న ప్రేక్షకుల ముందుకు రానుంది.
నిజానికి ఈ సినిమా కోసం మహేష్ ఫ్యాన్స్ ఈగర్ గా వెయిట్ చేస్తున్నారు. ఇప్పటికే ఈ సినిమా నుండి రిలీజైన సాంగ్స్ అండ్ టీజర్ సినిమాపై అంచనాలను భారీగా పెంచేశాయి. అందుకే గుంటూరు కారం అప్డేట్స్ కోసం మహేష్ ఫ్యాన్స్ చిత్ర నిర్మాతలను రిక్వెస్ట్ చేస్తున్నారు. ఇప్పుడు ఆ లిస్టులో టాలీవుడ్ యంగ్ హీరో నితిన్ చేరిపోయారు.
ఆయన కూడా మహేష్ బాబు ఫ్యాన్స్ లాగే గుంటూరు కారం అప్డేట్ కోసం ఎదురుచూస్తున్నారట. ఇందులో భాగంగానే హీరో నితిన్ గుంటూరు కారం నిర్మాతకు ఓ ట్వీట్(ఎక్స్) చేశారు.. గుంటూరు కారం రెండో పాట ఎప్పుడు విడుదల చేస్తున్నారు? అప్డేట్ ఎప్పుడు? మేం చాలా ఆసక్తిగా ఎదురుచూస్తున్నాము.. అంటూ పోస్ట్ పెట్టాడు నితిన్. ఇక నితిన్ పెట్టిన పోస్ట్ కు స్పందించిన నిర్మాత నాగ వంశీ.. ఆ పనిలోనే ఉన్నాం నిత్యం స్వామీ.. అని రిప్లై ఇచ్చారు. ప్రస్తుతం ఈ రెండు ట్వీట్స్ సోషల్ మీడియాలో వైరల్ అవుతున్నాయి.
