గండిపేట, వెలుగు: సిటీ శివారు ప్రాంతాల్లో మంచు దుప్పటి కప్పేసింది. మణికొండ, పుప్పాలగూడ, కోకాపేట్, గండిపేట, నార్సింగి, ఓఆర్ఆర్ కిస్మత్పూర్, హిమాయత్సాగర్ తదితర ప్రాంతాల్లో చలి తీవ్రత అధికంగా ఉండడంతో సోమవారం తెల్లవారుజామున నుంచే దట్టమైన పొగ మంచు కమ్మేసింది. పొగ మంచు కారణంగా వాహనదారులు ప్రయాణించేందుకు తీవ్ర ఇబ్బందులు పడ్డారు. ముందు ఏమి వస్తుందో, వెళ్తుందో తెలియక తికమకపడ్డారు. వాహనాల హెడ్లైట్స్ వేసినా కూడా పొగ మంచు కారణంగా ముందు కనిపించని పరిస్థితి ఏర్పడింది. కొన్ని చొట్ల పొగ మంచు కారణంగా ప్రజలు రోడ్లపైకి రావాలంటేనే భయపడ్డారు. నిత్యం రద్దీగా ఉండే ప్రాంతాలు సైతం పొగ మంచు కారణంగా బోసిపోయి కనిపించాయి.
