- అనంతగిరిలో మహిళ మృతి
వికారాబాద్, వెలుగు: అనంతగిరి పర్యాటక ప్రాంతానికి ట్రెక్కింగ్ కోసం వచ్చిన ఓ పర్యాటకురాలు గుండెపోటుతో చనిపోయింది. హైదరాబాద్ బండ్లగూడ ప్రాంతానికి చెందిన ప్రియాంక(47) కుటుంబసభ్యులతో కలిసి శనివారం అనంతగిరికి వెళ్లారు.
రాత్రి రిసార్ట్లో బస చేసింది. ఆదివారం ఉదయం అనంతగిరిలో ట్రెక్కింగ్ చేస్తుండగా ఒక్కసారిగా కుప్పకూలింది. అటవీ శాఖ అధికారులు వికారాబాద్ పట్టణంలోని ప్రభుత్వ ఆసుపత్రికి తరలించగా, ఆమె అప్పటికే చనిపోయినట్లు డాక్టర్లు తెలిపారు.
