హైదరాబాద్, వెలుగు: విద్యుత్ ఆర్టిజన్ల జీతాలు పెంచుతూ ట్రాన్స్కో, జెన్కో సీఎండీ ప్రభాకర్ రావు గురువారం ఉత్తర్వులు జారీ చేశారు. ఫలితంగా మూడు గ్రేడ్లు ఉన్న ఆర్టిజన్లకు 7శాతం ఫిట్మెంట్ పెంచారు. అదేవిధంగా, బేసిక్ పే ఏప్రిల్1, 2022 నెల నుంచి పెంచడంతో పాటు డీఏ 24.90శాతం అమలు చేస్తున్నట్లు ప్రకటించారు.
ట్రాన్స్కోలో పనిచేసే ఆర్టిజన్స్కు కన్వీనియన్స్ అలవెన్స్ కింద వెయ్యి రూపాయలు ఇవ్వనున్నారు. గ్రేడ్ త్రీ, గ్రేడ్ ఫోర్ ఆర్టిజన్లకు నెలకు రూ.500 స్పెషల్ అలవెన్స్ ప్రకటించారు. ఇలా తాజాగా పే రివిజన్తో గ్రేడ్ వన్ ఆర్టిజన్లకు రూ.37,020, గ్రేడ్ 2 ఆర్టిజన్లకు రూ.29,015, గ్రేడ్ 3 ఆర్టిజన్లకు రూ.22,175 చొప్పున జీతాలు రానున్నాయి. అదేవిధంగా, పెన్షనర్లకు పెన్షన్ పెంచుతూ ఉత్తర్వులు జారీ చేశారు.
