ఆస్ట్రేలియాతో తొలి వన్డేలో ఓడిన టీమిండియా తీవ్ర ఒత్తిడిలో ఉంది. ముఖ్యంగా పటిష్టమైన బ్యాటింగ్ లైనప్ ఉన్న టీమిండియా.. ఆసీస్ బౌలర్ల ధాటికి కుదేలవడంతో జట్టు ఆత్మవిశ్వాసం దెబ్బ తింటుంది. మూడు వన్డేల సిరీస్ లో భాగంగా ఎలాగైనా రెండో వన్డేలో గెలవాలని తీవ్ర కసరత్తులు చేస్తోంది. అడిలైడ్ వేదికగా గురువారం (అక్టోబర్ 23) ఆస్ట్రేలియా, ఇండియా మధ్య రెండో వన్డే జరుగుతుంది. తప్పక గెలవాల్సిన ఈ మ్యాచ్ లో ఇండియా రెండు మార్పులతో బరిలోకి దిగే అవకాశం కనిపిస్తుంది. రెండో వన్డేకు ఇండియా ప్లేయింగ్ 11 ఎలా ఉండబోతుందో ఇప్పుడు చూద్దాం..
ఓపెనర్లుగా కెప్టెన్ గిల్ తో పాటు మాజీ కెప్టెన్ రోహిత్ శర్మ ఇన్నింగ్స్ ను ఆరంభించనున్నారు. టాలెంటెన్డ్ బ్యాటర్ యశస్వి జైశ్వాల్ బెంచ్ కే పరిమితం కానున్నాడు. మూడో స్థానంలో కోహ్లీ స్థానానికి తిరుగులేదు. నాలుగో స్థానంలో వైస్ కెప్టెన్ శ్రేయాస్ అయ్యర్ బరిలోకి దిగుతాడు. ఐదో స్థానంలో వికెట్ కీపర్ బ్యాటర్ గా రాహుల్ బ్యాటింగ్ చేయనున్నాడు. ఆరో స్థానంలో ఫాస్ట్ బౌలింగ్ ఆల్ రౌండర్ నితీష్ కుమార్ రెడ్డికి ప్లేయింగ్ 11 లో చోటు దక్కడం ఖాయంగా కనిపిస్తోంది. స్పిన్ బౌలింగ్ ఆల్ రౌండర్ అక్షర్ పటేల్ ఏడో స్థానంలో బరిలోకి దిగే అవకాశం ఉంది.
వాషింగ్ టన్ సుందర్ స్థానంలో స్పెషలిస్ట్ స్పిన్నర్ కుల్దీప్ యాదవ్ తుది జట్టులో స్థానం దక్కొచ్చు. తొలి వన్డేలో హర్షిత్ సుందర్ బ్యాటింగ్, బౌలింగ్ విభాగాల్లో ఆకట్టుకోలేకపోయాడు. కుల్దీప్ ను ప్లేయింగ్ 11 లో చేర్చి స్పిన్ బౌలింగ్ లో బలహీనమైన ఆస్ట్రేలియాకు చెక్ పెట్టాలని ఆసీస్ భావిస్తోంది. ఫాస్ట్ బౌలర్లుగా సిరాజ్ తో పాటు అర్షదీప్ కొత్త బంతిని పంచుకోనున్నాడు. ఫాస్ట్ బౌలర్ హర్షిత్ రానా స్థానంలో ప్రసిద్ కృష్ణకు ఛాన్స్ దక్కే అవకాశాలు కనిపిస్తున్నాయి. జైశ్వాల్, జురెల్, వాషింగ్టన్ సుందర్, హర్షిత్ రాణాలకు రెండో వన్డేలో స్థానం దక్కపోవచ్చు.
ఆస్ట్రేలియాతో రెండో వన్డేకు ఇండియా ప్లేయింగ్ 11 (అంచనా):
రోహిత్ శర్మ, శుభ్‌మన్ గిల్ (కెప్టెన్), విరాట్ కోహ్లీ, శ్రేయాస్ అయ్యర్, అక్షర్ పటేల్, కేఎల్ రాహుల్ (వికెట్ కీపర్), నితీష్ కుమార్ రెడ్డి, కుల్దీప్ యాదవ్, అర్ష్‌దీప్ సింగ్, మహ్మద్ సిరాజ్, ప్రసిద్ కృష్ణ
►ALSO READ | Hardik Pandya: టీమిండియాకు బిగ్ రిలీఫ్.. హార్దిక్‌కు నో సర్జరీ.. రీ ఎంట్రీ అప్పుడే!
10 శాతం కంటే తక్కువగా వర్షాలు:
రిపోర్ట్స్ ప్రకారం రెండో వన్డేకు కూడా వర్షం పడే అవకాశం ఉన్నట్టు తెలుస్తుంది. అడిలైడ్ ఓవల్‌లో గత రెండు రోజుల పాటు వర్షాలు పడ్డాయి. అయితే మ్యాచ్ రోజు మాత్రం వర్షం ముప్పు ఉండదని రిపోర్ట్స్ చెబుతున్నాయి. గురువారం వర్షం పడే అవకాశం 10 శాతం కంటే తక్కువగా ఉంది. రోజంతా కొంచెం మేఘావృతం ఉంటుంది. ఈ మ్యాచ్ కు భారీ వర్షం పడకపోయినా చిరు జల్లులు కురిసే అవకాశం ఉన్నట్టు తెలుస్తుంది. ఒకవేళ భారీ వర్షం పడితే ఓవర్లను కుదిస్తారు. రోజంతా మ్యాచ్ జరగడం సాధ్యం కాకపోతే మ్యాచ్ ను రద్దు చేస్తారు. ప్రస్తుతం మూడు వన్డేల సిరీస్ లో ఆస్ట్రేలియా 1-0 ఆధిక్యంలో నిలిచింది.
అడిలైడ్ ఓవల్ పిచ్ రిపోర్ట్:
అడిలైడ్ ఓవల్‌లోని పిచ్ బ్యాటింగ్ కు స్వర్గధామం. పెర్త్ లో లాగ బౌన్సీ వికెట్ ఇక్కడ ఉండదు. వికెట్ ఫ్లాట్ గా ఉంటుంది. బ్యాటర్లు పరుగుల వరద పారించవచ్చు. అయితే ఈ పిచ్ స్పిన్నర్లకు బాగా అనుకూలించే అవకాశాలు ఉన్నట్టు రిపోర్ట్స్ చెబుతున్నాయి. ఇండియాలో స్పిన్నర్లు ఈ మ్యాచ్ లో కీలక పాత్ర పోషించే అవకాశం ఉంది. టాస్ గెలిచిన జట్టు మొదట బౌలింగ్ ఎంచుకునే అవకాశాలు ఉన్నాయి.
