ప్రస్తుతం ఇండియన్ సినీ ఇండస్ట్రీ మొత్తం ఈగర్ గా వెయిట్ చేస్తున్న మూవీ అంటే మహేష్ బాబు(Mahesh babu), రాజమౌళి(Rajamouli) మూవీ అనే చెప్పాలి. ఏ ముహూర్తాన ఈ కాంబో సెట్ అయిందో తెలియదు కానీ.. రోజురోజుకి ఈ సినిమాపై అంచనాలు భారీగా పెరిగిపోతున్నాయి. దాదాపు రూ.1000 కోట్ల బడ్జెట్ తో, హాలీవుడ్ రేంజ్ లో తెరకెక్కుతున్న ఈ సినిమా గురించి చిన్న న్యూస్ వినిపిస్తున్న క్షణాల్లో నేషనల్ వైడ్ ట్రెండ్ అవుతోంది. ఇప్పటికే కథ సిద్దమవ్వగా ప్రస్తుతం ప్రీ ప్రొడక్షన్ పనులు జరుపుకుంటోంది ఈ మూవీ. యాక్షన్ అడ్వెంచర్ బ్యాక్డ్రాప్ లో రానున్న ఈ సినిమా ఈ ఏడాది లాంఛనంగా మొదలుకానుంది.
తాజాగా ఈ సినిమా నుండి ఒక న్యూస్ సోషల్ మీడియాలో తెగ వైరల్ అవుతోంది. ఈ సినిమాలో మహేష్ బాబు సరసన ఇండోనేషియన్ బ్యూటీని సెలెక్ట్ చేశారట జక్కన్న. ఆ బ్యూటీ మరెవరో కాదు ఎలిజబెత్ చెల్సియా ఇస్లాన్‌. దీంతో రాజమౌళి నెక్స్ట్ సినిమా హీరోయిన్ ఈమెనే అంటూ ఒక ఫోటో ట్రెండ్ అవుతోంది. దీంతో ఈ అమ్మడు గురించి తెలుసుకోవడానికి సెర్చ్ చేస్తున్నారు నెటిజన్స్. ఇటీవలే ఈ అమ్మడు ఇండియాకు వచ్చిందని, లుక్ టెస్ట్ కూడా జరిగిందని టాక్ నడుస్తోంది. త్వరలోనే అధికారిక ప్రకటన కూడా రానుందని తెలుస్తోంది.
ఈ ఏడాదే మొదలుకానున్న ఈ ప్రెస్టీజియస్ సినిమా కోసం స్టార్ క్యాస్ట్ సెలెక్షన్, లొకేషన్ హంటింగ్ లో ఉన్నారు రాజమౌళి. క్రియేటీవ్ కమర్షియల్ బ్యానర్ పై కెఎల్ నారాయణ నిర్మిస్తున్న ఈ సినిమాకు రాజమౌళి ఆస్థాన సంగీతం దర్శకుడు, ఆస్కార్ విజేత ఎంఎం కీరవాణి ఈ సినిమాకు సంగీతం అందిస్తున్నారు. ఇవన్నీ చూస్తుంటే.. ఈ సినిమా ఇండియన్ సినీ హిస్టరీలోనే బిగ్గెస్ట్ హిట్ గా నిలువడం ఖాయంగా కనిపిస్తోంది.
