కామారెడ్డి, వెలుగు: వారెంటీ లేని కాంగ్రెస్పార్టీ గ్యారెంటీ పథకాలను ప్రజలు నమ్మడం లేదని ఎల్లారెడ్డి ఎమ్మెల్యే జాజాల సురేందర్ ఎద్దేవా చేశారు. సదాశివ్నగర్, రామారెడ్డి మండలాల బీఆర్ఎస్ కార్యకర్తలతో శుక్రవారం మర్కల్ సమీపంలోని ఓ ఫంక్షన్ హాల్లో నిర్వహించిన సమావేశంలో ఎమ్మెల్యే పాల్గొన్నారు. ఈ సందర్భంగా జాజాల సురేందర్మాట్లాడుతూ.. కాంగ్రెస్ అధికారంలో ఉన్న రాష్ట్రాల్లో ఎలాంటి పథకాలు అమలు కావడం లేదన్నారు.
మూడు గంటల కరెంట్ఇచ్చే కాంగ్రెస్ పార్టీ కావాలా? 24 గంటలు ఉచిత కరెంట్ ఇచ్చే బీఆర్ఎస్ పార్టీ కావాలో ప్రజలకు నిర్ణయించుకోవాలన్నారు. కేసీఆర్ప్రభుత్వం అన్ని వర్గాల అభ్యున్నతి కోసం పని చేసిందన్నారు. ఇటీవల బీఆర్ఎస్ ప్రకటించిన మెనిఫెస్టోను ప్రజలకు వివరించాలన్నారు. వచ్చే ఎన్నికల్లో పార్టీ గెలుపు కోసం ప్రతీఒక్కరు సమష్టిగా కృషి చేయాలన్నారు. సమావేశంలో లీడర్లు నర్సింలు, మహేందర్రెడ్డి, రాజేశ్వరరావు, దశరథ్రెడ్డి, భూంరెడ్డి, సాయిరెడ్డి, అశోక్రెడ్డి తదితరులు పాల్గొన్నారు.
