జనగామ అర్బన్, వెలుగు: రైతుల సంక్షేమానికే కొత్త విత్తన చట్టమని జనగామ కలెక్టర్ రిజ్వాన్ భాషా షేక్ తెలిపారు. కలెక్టర్ అధ్యక్షతన నూతన విత్తన చట్టం 2025 ముసాయిదాపై శుక్రవారం కలెక్టరేట్లో అభిప్రాయ సేకరణ చేశారు. ఈ సందర్భంగా కలెక్టర్ మాట్లాడుతూ నూతన విత్తన చట్టంలో రైతుల ప్రయోజనాలను కాపాడటమే ప్రధాన లక్ష్యమని, సూచనల ఆధారంగా మరింత బలోపేతంగా చట్టం చేస్తామని తెలిపారు. అనంతరం రోడ్డు ప్రమాద నివారణకు తీసుకోవాల్సిన చర్యలపై సంబంధిత అధికారులతో రివ్యూ నిర్వహించారు.
జాతీయ రహదారులపై జరుగుతున్న ప్రమాదాలను నివారించేందుకు పోలీస్, రవాణా, జాతీయ రహదారుల శాఖల అధికారులు తక్షణ చర్యలు తీసుకోవాలని సూచించారు. సమావేశంలో వ్యవసాయ శాస్త్రవేత్త డాక్టర్ఉమారెడ్డి, డీఏవో అంబికా సోని, రైతులు, విత్తన డీలర్లు, స్వచ్చంధ సంస్థల ప్రతినిధులు, డీసీపీ రాజమహేంద్ర నాయక్, ఆర్ అండ్బీ, ఎక్సైజ్, నేషనల్ హైవే, మున్సిపల్, ఆర్టీసీ తదితర శాఖల అధికారులు పాల్గొన్నారు.
