హైదరాబాద్, వెలుగు: వచ్చే నెల 10 నుంచి 12 వరకు స్మార్ట్ మొబిలిటీ అండ్ వెహికల్ ఎలక్ట్రిఫికేషన్పై అమెరికాలో జరిగే అంతర్జాతీయ సదస్సుకు జేఎన్టీయూ రిజిస్ట్రార్ ప్రొఫెసర్ మంజూరు హుస్సేన్ ఎంపికయ్యారు. ఈ మేరకు యూఎస్ఏ ఐఈవోఎం సొసైటీ ఆయనకు గురువారం సమాచారం అందించింది. ఈ సదస్సుకు వివిధ దేశాల నుంచి 15 మంది స్పీకర్లను ఎంపిక చేయగా అందులో మనదేశం నుంచి హుస్సేన్ ఒక్కరే కావడం గమనార్హం.
సదస్సులో రీసెర్చ్ పేపర్ను సబ్మిట్ చేయనున్నట్లు మంజూరు హుస్సేన్ తెలిపారు. ప్రస్తుతం దేశంలో ఎలక్ట్రిక్ వెహికల్స్ వాడకాన్ని ప్రోత్సహిస్తున్నందున దీనిపై అనేక రీసెర్చ్లు జరుగుతున్నాయని వివరించారు. ఎలక్ట్రిక్ వెహికల్స్కు చార్జింగ్ పెట్టడం సమస్యగా మారిందని, ఈ సమస్యను ఎలా పరిష్కరించాలనే దానిపై సమావేశంలో చర్చించనున్నట్టు చెప్పారు. బండి రోడ్డుపై నడుస్తున్నప్పుడే రీచార్జ్ అయ్యేటట్టు ఉండాలనే దానిపై పరిశోధనలు జరుగుతున్నాయన్నారు.
