సినిమా షూటింగులతో ఎప్పుడూ బిజీగా ఉండే అక్షయ్ కుమార్, అమీర్ ఖాన్, మోహన్ లాల్, కమల్ హాసన్, పృథ్విరాజ్ సుకుమారన్, కరణ్ జోహార్.... లాంటి పలు సినీ పరిశ్రమల స్టార్స్, సెలబ్రెటీలను అంతా ఓ పెళ్లి ఒక దగ్గరకు చేర్చింది. అదే ది వాల్ట్ డిస్నీ కంపెనీ ఇండియా, స్టార్ ఇండియా అధ్యక్షుడు కె. మాధవన్‌ కుమారుడు వివాహం. రాజస్థాన్ జైపూర్ లోని ఓ కోటలో జరిగిన ఈ పెళ్లికి సెలబ్రెటీలు, సినీ తారలు సంప్రదాయ దుస్తుల్లో హాజరై హంగామా చేశారు. ఇంతమంది స్టార్ హీరోలు ఒకే పెళ్ళిలో కనపడటంతో ఈ ఫొటోలు కాస్తా వైరల్ గా మారాయి. ఈ పెళ్ళిలో సెలబ్రిటీలు డ్యాన్సులు కూడా వేయడం అందర్నీ ఆకర్షించింది. మోహన్ లాల్, అక్షయ్ కుమార్ కలిసి పంజాబీ డ్యాన్స్ వేసి అందర్నీ ఆశ్చర్యపరిచారు. అక్షయ్ ఈ డ్యాన్స్ కు సంబంధించిన ఓ వీడియోను సోషల్ మీడియాలో షేర్ చేసి.. మోహన్ లాల్ సర్ మీతో డ్యాన్స్ చేయడం మర్చిపోలేనిది. ఈ మూమెంట్ ని నేను ఎప్పటికి గుర్తుంచుకుంటా అని పోస్ట్ చేశారు.
