ఎస్వీబీసీకి రూ.1.20 కోట్ల విలువైన డి.ఎస్.ఎన్.జి వాహనం విరాళంగా అందించారు కర్ణాటక సాంఘిక సంక్షేమ శాఖ మంత్రి బి.శ్రీరాములు. శుక్రవారం శ్రీవారి ఆలయం ఎదుట జరిగిన కార్యక్రమంలో ఈ వాహనానికి అర్చకులు ప్రత్యేక పూజలు నిర్వహించారు. అనంతరం మంత్రి తరఫున ప్రతినిధి శ్రీ మంజునాథ్ వాహనం తాళాలను టిటిడి అద‌న‌పు ఈవో మరియు ఎస్వీబీసీ ఎండి శ్రీ ఎ.వి.ధ‌ర్మారెడ్డికి అందజేశారు.
ఈ సందర్భంగా శ్రీ ఎ.వి.ధ‌ర్మారెడ్డి మాట్లాడుతూ శ్రీవారి ఆలయం, శ్రీ పద్మావతి అమ్మవారి ఆలయాల్లో జరిగే సేవలు, ఇతర ధార్మిక కార్యక్రమాలను ప్రత్యక్ష ప్రసారం చేసేందుకు ఆధునిక టెక్నాలజీతో కూడిన ఈ వాహనం ఎంతో ఉపయోగకరంగా ఉంటుందన్నారు. ఈ సందర్భంగా దాతకు కృతజ్ఞతలు తెలియజేశారు. ఈ కార్యక్రమంలో ఎస్వీబీసీ సిఈఓ శ్రీ సురేష్ కుమార్, ఆలయ డిప్యూటీ ఈవో శ్రీ హరీంద్రనాథ్ తదితరులు పాల్గొన్నారు.
