కల్లూరు/ పెనుబల్లి, వెలుగు: మున్సిపాలిటీ అభివృద్దికి అందరూ కృషి చేయాలని ఖమ్మం అడిషనల్ కలెక్టర్ శ్రీజ పిలుపునిచ్చారు. మంగళవారం ఆమె కల్లూరు మున్సిపల్ కార్యాలయాన్ని సందర్శించి, మౌలిక సదుపాయాలు, వనరులు, విధుల నిర్వహణ, పనుల నిర్వహణ తదితర అంశాలపై మున్సిపల్ అధికారుల నుంచి వివరాలు అడిగి తెలుసుకున్నారు.
అందుబాటులో ఉన్న సదుపాయాలు, సిబ్బంది సౌకర్యాలు, పనుల పురోగతి మొదలైన అంశాలపై చర్చించారు. పెనుబల్లి ప్రభుత్వ జూనియర్ కాలేజ్ను సందర్శించి రూ.19 లక్షలతో చేపట్టిన రినోవేషన్ పనులను పరిశీలించారు. పనులు నాసిరకంగా ఉండడంతో ఆగ్రహం వ్యక్తం చేశారు. అధికారుల నిర్లక్ష్యంపై పీఆర్ఏఈ, కాలేజీ ప్రిన్సిపాల్కు షోకాజ్ నోటీసులు ఇవ్వాలని ఆఫీసర్లను ఆదేశించారు. వచ్చెనెల 15 వరకు పనులు పూర్తి చేయాలని చెప్పారు. అనంతరం ఏరియా ఆస్పత్రిని పరిశీలించారు.
