సిటీలో ఆదివారం వాన దంచికొట్టింది. ఉదయం నుంచి ఆకాశం మబ్బు పట్టి ఉండి, సాయంత్రం 4 గంటలకు ఒక్కసారిగా భారీ వర్షం మొదలైంది. రెండు గంటల పాటు వాన పడగా.. లోతట్టు ప్రాంతాలు జలమయం అయ్యాయి. మెయిన్ రోడ్లు మొదలుకొని కాలనీల్లోనూ నీరు నిలిచింది. ఆఫీసులు, స్కూళ్లకు సెలవు కావడంతో పెద్దగా ట్రాఫిక్ జామ్ సమస్య లేనప్పటికీ మాదాపూర్, అమీర్పేట, చార్మినార్, పంజాగుట్ట లాంటి రద్దీ ప్రాంతాల్లో వాహనదారులకు కాస్త ఇబ్బందులు ఎదురయ్యాయి.
రోడ్లపై వరద నిలిచిపోవడంతో ఇబ్బందులు ఏర్పడ్డాయి. లంగర్ హౌస్లో అత్యధికంగా 4.3 సెం.మీ, ముషీరాబాద్ 4.3, మియాపూర్ 4.0, జుమ్మెరాత్ బజార్లో 3.8, సరూర్ నగర్ లో 3.8 సెం.మీల వాన పడింది. మరో రెండ్రోజుల పాటు తేలికపాటి నుంచి మోస్తరు వర్షాలు కురుస్తాయని హైదరాబాద్ వాతావరణశాఖ అధికారులు పేర్కొన్నారు.--
