విజయ్ దేవరకొండ, డైరెక్టర్ పూరీ జగన్నాథ్ కాంబోలో తెరకెక్కుతోన్న క్రేజీ పాన్ ఇండియా ప్రాజెక్ట్ 'లైగర్'(సాలా క్రాస్‌బ్రీడ్). ఇందులో విజయ్ సరసన అనన్య పాండే హీరోయిన్ గా నటిస్తోంది. పూరీ కనెక్ట్స్ , బాలీవుడ్ స్టార్ ప్రొడక్షన్ కంపెనీ ధర్మ ప్రొడక్షన్స్ సంయుక్తంగా ఈ చిత్రాన్ని నిర్మిస్తున్నాయి. ఇప్పటికే రిలీజ్ చేసిన విజయ్ బోల్డ్ పోస్టర్ ఆశ్చర్యానికి గురిచేస్తే, ఫస్ట్ సింగిల్ అకట్టుకుంది. ఈ పాటకు ఇప్పటివరకు 30 మిలియన్ వ్యూస్ వచ్చాయి. ఇక రిలీజ్ డేట్ దగ్గరపడుతుడటంతో మేకర్స్ ప్రమోషన్స్ జోరు పెంచారు. అందులో భాగంగానే సినిమా థియేట్రికల్ ట్రైలర్‌ను జూలై 21న రిలీజ్ చేస్తున్నారు. ఈ మేరకు పోస్టర్ ను విడుదల చేశారు. ట్రైలర్ అనౌన్స్‌మెంట్ పోస్టర్‌లో చుట్టూ ఫైటర్‌లను వుండగా విజయ్ మధ్యలో ఉన్నాడు. మరో ఐదు రోజుల్లో విడుదల కానున్న ట్రైలర్ పైన భారీ అంచనాలున్నాయి. హిందీ, తెలుగు, తమిళం, కన్నడ , మలయాళం భాషల్లో రూపొందుతున్న ఈ పాన్ ఇండియా చిత్రం 2022 ఆగస్టు 25న ప్రపంచవ్యాప్తంగా థియేటర్లలో విడుదల కానుంది.
