కూకట్పల్లి, వెలుగు: సిటీలో రాత్రి పూట ఆకతాయిలు రెచ్చిపోతున్నారు. బండ్లను ఆపుతూ వికృత చేష్టలకు పాల్పడుతున్నారు. ఇటీవల ఉప్పల్లో క్యాబ్లో వెళ్తున్న ఐటీ ఉద్యోగులతో యువకులు తప్పతాగి అసభ్యకరంగా ప్రవర్తించారు. ఈ ఘటన జరిగి వారం గడవకముందే తాజాగా కూకట్పల్లిలో మరో ఘటన జరిగింది. ఏపీలోని విశాఖపట్నం జిల్లా పెద్దగోగాడ గ్రామానికి చెందిన సింహాచలం మూసాపేటలో ఉంటున్నాడు. గంజాయి మత్తులో ఓ కారును ఆపి వీరంగం సృష్టించాడు.
మంగళవారం రాత్రి అమీర్పేట నుంచి కూకట్పల్లి వైపు వెళ్తున్న కారును ఆపి బానెట్పైకి ఎక్కాడు. కారులో ఉన్న వారిని కిందికి దిగాలని బెదిరించాడు. వారు పక్కకు తప్పుకోవాలని బతిమిలాడినా వినలేదు. కారు అద్దాలను పగులగొట్టేందుకు ప్రయత్నించగా స్థానికులు బలవంతంగా కిందకు దించి కారుని పంపించారు. పోలీసులు నిందితుడిని అదుపులోకి తీసుకున్నారు.
