ఉప్పల్, వెలుగు: ఉప్పల్లోని స్కైవాక్ లిఫ్ట్ లో ఓ యువకుడు ఇరుక్కొని రెండు గంటల పాటు నరకయాతన అనుభవించాడు. ఉప్పల్కు చెందిన రాహుల్(20) ఎన్ఆర్బీ ప్రైవేట్ కంపెనీలో డ్యూటీ చేస్తున్నాడు. గురువారం రాత్రి డ్యూటీ ముగించుకొని ఇంటికి వెళ్లే క్రమంలో స్కైవాక్ 6-బి లిఫ్ట్ ఎక్కగా మధ్యలో ఆగిపోయి, డోర్ ఓపెన్ కాక చిక్కుకున్నాడు.
ఎమర్జెన్సీకి డయల్ చేయగా లోకల్ పోలీసులు, హైడ్రా అధికారులు, ఫైర్ సిబ్బంది లిఫ్ట్ డోర్ తెరిచేందుకు రెండు గంటల పాటు శ్రమించినా ఫలితం లేకపోవడంతో టెక్నీషియన్లను రప్పించారు. ఎట్టకేలకు బాధితుడిని సురక్షితంగా బయటకు తీశారు. లిఫ్ట్లో ఊపిరాడక ఇబ్బంది పడ్డానని, తాను బతుకుతానో లేదోనని భయాందోళనకు గురయ్యానని బాధితుడు వాపోయాడు.
