దేశరాజధాని ఢిల్లీలో ఘోర అగ్ని ప్రమాదం జరిగింది. ఇండ్ల మధ్య ఓ ఫ్యాక్టరీలో ఒక్కసారిగా మంటలు చెలరేగాయి. చూస్తుండగానే మంటలు చెలరేగి పక్కను జనవాసాలకు వ్యాపించాయి. ఫ్యాక్టరీలో ఎవరూ లేనప్పటికీ పక్క భవనంలో ఉన్నవారు మంటల్లో చిక్కుకున్నారు. మంటలు వ్యాపిస్తుండటంతో పిల్లలు, మహిళతో సహా ఆరుగురు బిల్డింగ్ పైనుంచి కిందకు దూకారు. ఈ ఘటనలో వారికి తీవ్రగాయాలయ్యాయి. చికిత్స కోసం వారిని ఆస్పత్రికి తరలించారు. సమాచారం అందుకున్న ఫైర్ సిబ్బంది 15 ఫైరింజన్లతో మంటలార్పుతున్నారు. వాయువ్య ఢిల్లీలో ని సరూప్ నగర్ లో ఈ ఘటన చోటుచేసుకుంది. ఇటీవల ఢిల్లీలో జరిగిన అగ్నిప్రమాదంలో 40 మంది చనిపోయిన ఘటన మరువకు ముందే తాజాగా ఈ ఘటన జరగడంతో స్థానికంగా కలకలం రేపుతోంది.
ఆదివారం ఉదయం 12గంటల సమయంలో స్వరూప్ నగర్ లోని బాక్సింగ్ గ్లోవ్స్ తయారు చేసే కంపెనీలు ఒక్కసారిగా మంటల చెలరేగాయి. ఫ్యాక్టరీ గ్రౌండ్ ఫ్లోర్,మొదటి అంతస్తులో ప్రమాదం జరిగటింది. ఈ ఘటన సమయంలో ఫ్యాక్టరీలో ఎవరూ లేకపోవడంతో భారీ ప్రాణ నష్టం తప్పింది. అయితే ఫ్యాక్టరీ పక్కనే ఉన్న భవనంలో నివసిస్తున్న కొందరు భయంతో పరుగులు పెట్టారు. కొంతమంది మహిళలు,పిల్లలతో సహా కిందకు దూకారు. ఈ ఘటనలో పిల్లలతో సహా ఆరుగురు గాయపడినట్ల స్థానిక పోలీసులు తెలిపారు. గాయపడిన వారందరినీ సమీప ఆస్పత్రులకు తరలించారు.
