కోరుట్ల, వెలుగు: ప్రభుత్వ స్కూళ్లలో పనిచేసే మధ్యాహ్న భోజన కార్మికులకు కనీస వేతనం రూ.10 వేలు ఇచ్చి, వారి సమస్యలు పరిష్కరించాలని ఏఐటీయూసీ రాష్ట్ర నాయకుడు సుతారి రాములు డిమాండ్ చేశారు. ఏఐటీయూసీ ఆధ్వర్యంలో జగిత్యాల జిల్లా కోరుట్లలోని ఆర్డీవో ఆఫీస్ముందు మధ్యాహ్న భోజనం కార్మికులు బుధవారం నిరాహార దీక్ష చేపట్టారు. పాల్గొన్న రాములు మాట్లాడుతూ.. కాంగ్రెస్ఇచ్చిన హామీ ప్రకారం మధ్యాహ్న భోజన కార్మికులకు రూ.10 వేల జీతం అమలు చేయాలని, పెరుగుతున్న ధరలకు అనుకూలంగా ఛార్జీలు పెంచాలని డిమాండ్చేశారు.
పథకాన్ని ప్రైవేట్ సంస్థలకు అప్పజెప్పే విధానాన్ని విరమించుకోవాలని, కార్మికులతోనే పని చేయించాలన్నారు. కోడిగుడ్ల ధరలు విపరీతంగా పెరిగిపోతున్న నేపథ్యంలో ప్రభుత్వమే సరఫరా చేయాలని కోరారు. పని భద్రత కల్పించి గుర్తింపు కార్డులు, పీఎఫ్, ఈఎస్ఐ, బీమా సౌకర్యం కల్పించాలని డిమాండ్ చేశారు.
