హైదరాబాద్, వెలుగు: హైదరాబాద్‌‌‌‌లో నవంబర్ 19 నుంచి 22 వరకు 85వ ఇండియన్ రోడ్ కాంగ్రెస్ (ఐఆర్సీ) సదస్సు నిర్వహిస్తున్నట్లు మంత్రి కోమటిరెడ్డి వెంకట్రెడ్డి తెలిపారు. శుక్రవారం సదస్సు ఏర్పాట్లపై సెక్రటేరియట్ లో మీడియాతో మాట్లాడుతూ.. నవంబర్ 19న కేంద్ర మంత్రి నితిన్గడ్కరీ, సీఎం రేవంత్ రెడ్డి ఐఆర్సీని ప్రారంభిస్తారని తెలిపారు. హైటెక్సిటీలో నిర్వహించే ఈ సదస్సుకు దేశ విదేశాల నుంచి 3 వేల మంది డెలిగేట్స్ హాజరవుతున్నారని చెప్పారు. దేశవ్యాప్తంగా రహదారుల నిర్మాణం, భద్రత, టెక్నాలజీపై నిపుణులతో గ్రూప్ డిస్కషన్స్జరుగుతాయని పేర్కొన్నారు.
శ్రీశైలం ఎలివేటెడ్ కారిడార్ డీపీఆర్సిద్ధం
సుమారు రూ.7,600 కోట్ల అంచనా వ్యయంతో 52 కిలోమీటర్లు ప్రతిపాదించిన శ్రీశైలం ఎలివేటెడ్ కారిడార్ పై కేంద్ర మంత్రి నితిన్గడ్కరీతో ప్రకటన చేయిస్తామని మంత్రి తెలిపారు. ఈ ప్రాజెక్టు డీపీఆర్సిద్ధమైందన్నారు. రీజినల్ రింగ్ రోడ్డు ఉత్తర భాగానికి భూసేకరణ పూర్తయిందన్నారు. 161.5 కిలోమీటర్ల మేర నిర్మించనున్న ఈ ప్రాజెక్టుకు మరోసారి టెండర్లు పిలుస్తామని తెలిపారు.
