హైదరాబాద్ సిటీ, వెలుగు: కేబీఆర్‌ పార్క్‌ పరిసరాల్లో వన్ వే విధానం సక్సెస్ కావడంతో ట్రాఫిక్‌ సమస్యకు శాశ్వత పరిష్కారం చూపేందుకు రూ.1,090 కోట్లతో సమగ్ర ఎలివేటెడ్‌ కారిడార్‌‌ను నిర్మించనున్నామని మంత్రి పొన్నం ప్రభాకర్ అన్నారు.
శుక్రవారం మంత్రి ప్రభాకర్...కలెక్టర్‌ ప్రియాంక అలా, జీహెచ్‌‌ఎంసీ కమిషనర్‌ కర్ణన్‌, ఇతర అధికారులతో కలిసి కేబీఆర్‌ పార్క్‌ పరిసరాల్లో జరుగుతున్న పునాది తవ్వకాలు, జంక్షన్ల అభివృద్ధి పనులను పరిశీలించి సమీక్షించారు. ఈ ప్రాజెక్టును రెండు ప్యాకేజీలుగా చేపట్టనున్నామని, దీనికి రూ.1,090 కోట్ల వ్యయం అవుతుందన్నారు.
