గోదావరి ఖనిలో కొత్త జంటలకు మంత్రి వివేక్, ఎంపీ వంశీకృష్ణ ఆశీర్వాదం

గోదావరిఖని, వెలుగు: పెద్దపల్లి జిల్లా గోదావరిఖనిలో రాష్ట్ర కార్మిక, ఉపాధి శాఖల మంత్రి వివేక్​ వెంకటస్వామి, పెద్దపల్లి ఎంపీ గడ్డం వంశీకృష్ణ శుక్రవారం పర్యటించారు. కాంగ్రెస్​ సీనియర్​ లీడర్, శ్రమశక్తి అవార్డు గ్రహీత, లయన్స్​ క్లబ్​ జోన్​ చైర్మన్​ పి.మల్లికార్జున్– శశికళ దంపతుల కొడుకు ఫణి యశ్వంత్, గాయత్రి శ్రీప్రియ వివాహం జరగగా గోదావరిఖని ఆర్​ఆర్​ గార్డెన్​లో రిసెప్షన్​కు మంత్రి వివేక్​, ఎంపీ వంశీకృష్ణ, బెల్లంపల్లి ఎమ్మెల్యే వినోద్, మాజీ ఎమ్మెల్యే సోమారపు సత్యనారాయణ, మాజీ ఎమ్మెల్సీ బి.వెంకట్రావు, తదితరులు హాజరై కొత్తదంపతులను ఆశీర్వదించారు. 

అంతకుముందు గోదావరిఖని బృందావన్​ గార్డెన్​లో జరిగిన ఐఎన్టీయూసీ జిల్లా ప్రధాన కార్యదర్శి రాచకొండ కోటేశ్వర్లు–శ్యామల దంపతుల కూతురు అక్షయ–శశిధర్​ వివాహానికి హాజరై ఆశీర్వదించారు. మంత్రి, ఎంపీ వెంట ఐఎన్‌‌‌‌టీయూసీ జాతీయ నాయకులు సలీంపాష, జి.కుమారస్వామి, లీడర్లు డి.మల్లేశ్‌‌‌‌, మల్లేశ్‌‌‌‌ యాదవ్‌‌‌‌, అనుమాస శ్రీనివాస్​ (జీన్స్), మధు, జావెద్​, నర్సింగ్​ దొర, ఎం.దీపక్, తదితరులున్నారు. 

 శ్రమశక్తి అవార్డు గ్రహీతను సన్మానించిన మంత్రి

కోల్​బెల్ట్, వెలుగు: మే డే సందర్భంగా రాష్ట్ర ప్రభుత్వం నుంచి శ్రమశక్తి అవార్డు పొందిన మంచిర్యాల జిల్లా మందమర్రికి చెందిన డీసీసీ జనరల్​ సెక్రటరీ, కార్మిక లీడర్ పుల్లూరి లక్ష్మణ్​ను మంత్రి  శుక్రవారం సన్మానించారు. కార్మికరంగానికి మరింత సేవలు అందించాలని సూచించారు. మందమర్రి ఆర్​ఐ గణపతి రాథోడ్ ​బర్త్​డే వేడుకలు, జైపూర్ మండలం మిట్టపల్లి సర్పంచ్ మనోహర్ గృహప్రవేశ కార్యక్రమంలో, క్యాతనపల్లిలో పలు వివాహ వేడుకల్లో పాల్గొన్నారు. 

క్యాతనపల్లి  కాకతీయ కాలనీలో బ్లాక్​ కాంగ్రెస్ ​ప్రెసిడెంట్ గోపతి రాజయ్య తల్లి లక్ష్మి దశదినకర్మకు హాజరయ్యారు. కోటపల్లి మండలం అన్నారం గ్రామానికి చెందిన మార్కెట్​కమిటీ డైరెక్టర్​శశిపాల్​రెడ్డి తండ్రి లక్ష్మారెడ్డి 9వ రోజు కార్యక్రమంలో మంత్రి పాల్గొని సంతాపం ప్రకటించారు.