ములుగు, వెలుగు : బీఆర్‌‌‌‌‌‌‌‌ఎస్‌ లీడర్లు పదేళ్లలో దోచుకున్న డబ్బుతో ఓట్లు కొనేందుకు వస్తున్నారని ములుగు ఎమ్మెల్యే సీతక్క విమర్శించారు. ఎన్ని కుట్రలు చేసిన రాష్ట్రంలో కాంగ్రెస్ గెలవడం ఖాయమని ధీమా వ్యక్తం చేశారు. ములుగు మండలంలోని మల్లంపల్లి, మంచినీళ్లపల్లి, హుమ్మాయినగర్‌‌‌‌‌‌‌‌లో ఆదివారం ప్రచారం నిర్వహించారు.
ఈ సందర్భంగా సీతక్క మాట్లాడుతూ బీఆర్‌‌‌‌‌‌‌‌ఎస్‌ లీడర్లు డబ్బును నమ్ముకుంటే.. తాను ప్రజలను నమ్ముకున్నానని చెప్పారు. తాను గెలిస్తే ప్రజలు గెలిచినట్లేనని, దొరల పాలన కావాలో.. ప్రజా పాలన కావాలో తేల్చుకోవాలని సూచించారు. కాంగ్రెస్ అధికారంలోకి వస్తే ఇచ్చిన ప్రతి హామీని అమలు చేస్తామని చెప్పారు. కార్యక్రమంలో టీపీసీసీ సభ్యులు రవళిరెడ్డి, మల్లాడి రాంరెడ్డి, మాజీ సర్పంచ్‌ గోల్కొండ రవి పాల్గొన్నారు.
ALSO READ :కాంగ్రెస్ పథకాలకు గ్యారంటీ లేదు: చంటి క్రాంతికిరణ్
