మునిపల్లి , వెలుగు : కాంగ్రెస్ పథకాలకు గ్యారంటీ లేదని, వారు చెప్పే కల్లబొల్లి మాటలు నమ్మి మోసపోవద్దని ఆందోల్ఎమ్మెల్యే చంటి క్రాంతికిరణ్ అన్నారు. ఆదివారం మండలంలోని పెద్దగోపులారం, పోల్కంపల్లి, చిన్నచెల్మెడ, మల్లికార్జున్పల్లి, మల్లారెడ్డిపేట, బుసారెడ్డిపల్లి గ్రామాల్లో ఎన్నికల ప్రచారం నిర్వహించారు. ఈ సందర్భంగా ఆయన మాట్లాడుతూ.. పదేళ్ల బీఆర్ఎస్ పాలనలో నియోజకవర్గాన్ని ఎంతో అభివృద్ధి చేశామన్నారు.
కాంగ్రెస్నాయకులు చెప్పే మోసపూరిత మాటలను నమ్మవద్దన్నారు. నియోజకవర్గం మరింత అభివృద్ధి చెందాలంటే కారు గుర్తుకు ఓటు వేసి గెలిపించాలని అభ్యర్థించారు. కార్యక్రమంలో జడ్పీటీసీ మీనాక్షి, ఎంపీపీ శైలజ, నాయకులు సాయికుమార్, విజయ్ కుమార్, శశికుమార్, సర్పంచులు కీర్తికుమారి, విజయ్ భాస్కర్, విమలమ్మ, శివజ్యోతి, స్వప్న, హిమబిందు, ఎంపీటీసీలు రాజశేఖర్, శివకుమార్ పాల్గొన్నారు.
