- మునుగోడు ఎమ్మెల్యే రాజగోపాల్ రెడ్డి వ్యాఖ్య
యాదాద్రి, వెలుగు: "ఇచ్చిన మాటకు మంత్రిని చేస్తరా.. చేయండి. చేయకుంటే బాధేం లేదు. మాట్లాడేమీ లేదు. మంత్రిని కాకుంటే డైరెక్ట్గా ముఖ్యమంత్రిని అవుతా" అని మునుగోడు ఎమ్మెల్యే కోమటిరెడ్డి రాజగోపాల్ రెడ్డి అన్నారు. చౌటుప్పల్ మున్సిపాలిటీలో కాంగ్రెస్ గెలుపు సాధించడంతో నిర్వహించిన విజయోత్సవ ర్యాలీలో ఆయన మాట్లాడారు.
ఈ సందర్భంగా తనకు మంత్రిపదవి ఇస్తానంటూ అధిష్ఠానం ఇచ్చిన హామీని మరోసారి గుర్తుచేశారు. రాబోయే రోజుల్లో తనకు మంచి పదవి వస్తుందని ఆశా భావం వ్యక్తం చేశారు. ఒకవేళ మంత్రి పదవి కాకుంటే సీఎం పదవి వస్తుందన్నారు. దానికి టైం రానుందని పేర్కొన్నారు.
