- మెదక్ కాంగ్రెస్ ఎంపీ అభ్యర్థి నీలం మధు ముదిరాజ్
పటాన్చెరు(గుమ్మడిదల), వెలుగు : మెదక్ కాంగ్రెస్ఎంపీ అభ్యర్థిగా పార్టీ నీలం మధు ముదిరాజ్ను ప్రకటించడంతో ఆయన పార్టీ పెద్దలను మర్యాద పూర్వకంగా కలుస్తున్నారు. గురువారం తన అనుచరులతో కలిసి సీఎం రేవంత్ రెడ్డిని హైదరాబాద్లో కలిసి కృతజ్ఞతలు తెలిపారు. అనంతరం మంత్రి దామోదర రాజ నర్సింహ, మైనంపల్లి హన్మంతరావులతో పాటు పలువురు పార్టీ ఇన్చార్జీలను మర్యాద పూర్వకంగా కలిశారు. ఈ సందర్బంగా నీలం మధు మాట్లాడుతూ.. అందరి సహకారంతో మెదక్ పార్లమెంట్లో కాంగ్రెస్ జెండా ఎగరవేస్తామని ధీమా వ్యక్తం చేశారు.
ఇందిరాగాంధీ లాంటి మహానేత ప్రాతినిధ్యం వహించిన మెదక్ పార్లమెంట్స్థానానికి తనను ఎంపిక చేయడం పై పార్టీకి, పార్టీ నేతలకు ప్రత్యేక కృతజ్ఞతలు తెలిపారు. ఇందిరాగాంధీ హయాంలోనే మెదక్ పార్లమెంట్ నియోజకవర్గం పారిశ్రామికంగా అభివృద్ధి చెందిందని ఈ విషయాన్ని ప్రజల్లోకి తీసుకొని వెళ్లి కాంగ్రెస్ గెలుపొందేలా కృషి చేస్తానని తెలిపారు. సీఎం రేవంత్ రెడ్డి, మంత్రి దామోదర్ రాజనర్సింహ, జగ్గారెడ్డి, మైనంపల్లి హనుమంత్ రావు, పార్టీ నేతలతో పాటు ప్రతి కార్యకర్త ఆశీస్సులతో పార్టీ అభివృద్ధికి కృషి చేస్తానన్నారు.
నర్సాపూర్ : మెదక్కాంగ్రెస్ఎంపీ అభ్యర్థి నీలం మధు గురువారం కాంగ్రెస్ నియోజకవర్గ ఇన్చార్జి ఆవుల రాజి రెడ్డి, డీసీసీ ప్రెసిడెంట్ ఆంజనేయులు గౌడ్, నాయకులు సోమన్నగారి రవీందర్ రెడ్డిని మర్యాద పూర్వకంగా కలిశారు. ఈ సందర్భంగా వారు ఆయనకు బొకే ఇచ్చి స్వాగతం పలికారు. పార్లమెంట్ ఎన్నికల్లో సంపూర్ణ మద్దతు ఇవ్వాలని అభ్యర్థి మధు వారిని కోరారు.
