న్యూఢిల్లీ: కేంద్ర ప్రభుత్వం గతంలో తీసుకొచ్చిన ఎలక్టోరల్ బాండ్ స్కీమ్కు తాము వ్యతిరేకమని, మొదటి నుంచీ దీనిని వ్యతిరేకించామని సీపీఎం శుక్రవారం తెలిపింది. అందుకే అప్పట్లోనే దీనిపై సుప్రీంకోర్టును ఆశ్రయించినట్లు వెల్లడించింది.
ఎలక్టోరల్ బాండ్స్ ద్వారా తాము విరాళాలు సేకరించలేదని, ఇదే విషయంపై గతంలోనూ క్లారిటీ ఇచ్చామని ఓ ప్రకటనలో తెలిపింది. ఇలా బాండ్స్ ద్వారా విరాళాలు సేకరించాలంటే ఎస్బీఐలో ప్రత్యేకంగా ఖాతా తెరవాల్సి ఉంటుందని, సీపీఎంకు అలాంటి ఖాతా ఏదీ తెరవలేదని తేల్చి చెప్పింది.
