ముదిగొండ, వెలుగు: ఖమ్మం జిల్లా ముదిగొండ మండలంలో కాళ్లకు ట్యాగులు, రెక్కలకు రంగు పూసిన పావురం కలకలం రేపింది. స్థానికుల వివరాల ప్రకారం.. మండలంలోని న్యూలక్ష్మీపురం గ్రామంలోకి సోమవారం ఉదయం రెక్కలకు రంగు, కాళ్లకు రంగురంగుల ట్యాగులతో ఓ పావురం వచ్చింది. దాన్ని చూసిన గ్రామస్తులు ఆందోళనకు గురయ్యారు. ఇటీవల చైనా మిలిటరీ నిఘా కోసం పావురాలను వాడుతున్నారని, అలాంటిదే తమ గ్రామానికి వచ్చిందని అనుమానించారు. కొద్దిసేపటికి పావురం కాళ్లకు ఉన్న ట్యాగులను పరిశీలించగా పావురాల రేస్కోసం అలా కట్టినట్లు భావించారు. ట్యాగ్పై నంబర్లు, ఏపీ, కర్నూల్ అని రాసి ఉండటంతో గ్రామస్తులు ఊపిరి పీల్చుకున్నారు. సర్పంచ్ కాకదాని కన్నయ్య మాట్లాడుతూ.. ఫారెస్ట్ఆఫీసర్లకు సమాచారం ఇచ్చామని, పావురాన్ని వారికి అప్పగిస్తామని చెప్పారు.
