- ఇన్నాళ్లు పూర్తి మెజార్టీ ఉన్నా పట్టించుకోలే..
- ఎన్నికలు ఉన్నాయనే బిల్లు: పీఓడబ్ల్యూ సంధ్య
అబిడ్స్, వెలుగు: మహిళా రిజర్వేషన్ల బిల్లు అమలుపై కేంద్ర ప్రభుత్వానికి ఏమాత్రం చిత్తశుద్ధి లేదని ప్రగతిశీల మహిళా సంఘం (పీఓడబ్ల్యూ) నాయకురాలు సంధ్య విమర్శించారు. మంగళవారం హైదర్గూడలో నిర్వహించిన సమావేశంలో మహిళా నాయకులు ఝాన్సీ, అనసూయ కలిసి ఆమె మాట్లాడారు. 2014 నుంచి పూర్తి మెజారిటీ ఉన్నా పట్టించుకోని కేంద్రం.. ఎన్నికల వేళ రాజకీయ లబ్ధి కోసమే ‘నారీ శక్తి వందన్ అధినేయం’ చట్టాన్ని తెరపైకి తెచ్చిందని ఆరోపించారు.
ఈ బిల్లును జనాభా గణన, నియోజకవర్గాల పునర్విభజనతో ముడిపెట్టి 2029 వరకు వాయిదా వేయడం మహిళలను వంచించడమేనని మండిపడ్డారు. నిబంధనల పేరుతో మెలికలు పెట్టకుండా, మహిళా సాధికారత కోసం రిజర్వేషన్లను తక్షణమే అమలు చేయాలని డిమాండ్ చేశారు.
