హైదరాబాద్, వెలుగు: ఏఐసీసీ జనరల్సెక్రటరీ ప్రియాంక గాంధీ ఆదివారం రాష్ట్రానికి రానున్నారు. ఖానాపూర్, ఆసిఫాబాద్ లో నిర్వహించనున్న కాంగ్రెస్ సభల్లో పాల్గొననున్నారు. నాందేడ్ నుంచి ప్రత్యేక హెలికాప్టర్లో బయల్దేరి, ఉదయం 10:30 గంటలకు ఖానాపూర్ చేరుకుంటారు. అక్కడ సభలో పాల్గొని, అనంతరం ఆసిఫాబాద్ చేరుకుంటారు.
నాగోబా దేవాలయాన్ని సందర్శించి ప్రత్యేక పూజలు చేస్తారు. ప్రచారంలో భాగంగా అక్కడి నుంచి ఒక తండాకు వెళ్లి స్థానిక మహిళలతో ఇంటరాక్ట్ అవుతారు. వారితో కలిసి ప్రచారం నిర్వహిస్తారు. ఇంటింటికీ వెళ్లి ఆరు గ్యారంటీలను వివరిస్తారు. గిరిజనుల ప్రత్యేక వంటకాలతో భోజనం చేస్తారు. మహిళలతో కలిసి ఆర్టీసీ బస్సులో ప్రయాణం చేస్తారు. మధ్యాహ్నం ఒంటి గంటకు ప్రచారం పూర్తి కాగానే, నాందేడ్కు తిరిగి ప్రయాణమవుతారు.
