భారత స్టార్ షట్లర్ పీవీ సింధు.. వరల్డ్ బ్యాడ్మింటన్ సమాఖ్య (BWF)అథ్లెట్స్ కమిషన్ ఎన్నికల్లో పోటీ చేయనుంది. డిసెంబర్ 17న జరగనున్న ఎన్నికల్లో.. ఆరు మహిళా స్థానాల కోసం మొత్తం 9 మంది పోటీ పడుతున్నారు. స్పెయిన్ లో నిర్వహించే వరల్డ్ చాంపియన్ షిప్ తో పాటు నిర్వహించే ఎన్నికల్లో ఆమె రెండోసారి బరిలో నిలవనుంది.
ఈ అథ్లెట్స్ కమిషన్ 2021 నుంచి 2025 వరకు అమల్లో ఉంటుంది. రీ ఎలక్షన్ కోసం పోటీ పడుతున్న ఏకైక ప్లేయర్ పీవీ సింధు. ఈ విషయాన్ని BWF ప్రకటించింది. అంతకుముందు 2017లో సింధు మొదటిసారి అథ్లెట్స్ కమిషన్ సభ్యురాలిగా ఎన్నికైంది.
సింధుతో పాటు ఇండోనేషియా విమెన్స్ డబుల్స్ ప్లేయర్ గ్రేషియా పొలీలి కూడా పోటీలో ఉంది.
