భీమదేవరపల్లి, వెలుగు : హనుమకొండ జిల్లా భీమదేవరపల్లి మండలం వంగర గ్రామంలో నిర్మించిన పీవీ స్మృతి వనాన్ని శుక్రవారం ప్రారంభించనున్నారు. అసెంబ్లీ స్పీకర్ గడ్డం ప్రసాద్కుమార్చేతుల మీదుగా ప్రారంభించేందుకు ఏర్పాట్లు చేశారు. దివంగత ప్రధాని పీవీకి నివాళిగా బీఆర్ ఎస్ హయాంలో పనులు మొదలు కాగా.. కాంగ్రెస్ అధికారంలోకి వచ్చాక మంత్రి పొన్నం ప్రభాకర్ప్రత్యేక చొరవ తీసుకొని నిధులు మంజూరు చేయించి, పనులు పూర్తయ్యేలా చర్యలు చేపట్టారు.
ప్రధానిగా పీవీ చేసిన సంస్కరణలు, ప్రత్యేకతలు వివరించేలా ఫొటో గ్యాలరీ, ఓపెన్యాంపీ థియేటర్, మెడిటేషన్సెంటర్, మ్యూజియంతో పాటు అంతర్గత రోడ్లు, వివిధ ప్రాంతాల నుంచి తెచ్చిన మొక్కలతో గార్డెన్ ను ఆకర్షణీయంగా రూపుదిద్దారు. వంగర గ్రామానికి వచ్చేందుకు డబుల్రోడ్డు నిర్మాణంతో పాటు ఇరువైపులా మొక్కల పెంపకం చేపట్టారు.
