అంబర్పేట, వెలుగు: కాంగ్రెస్ తోనే అన్ని వర్గాల ప్రజల అభివృద్ధి సాధ్యమని సికింద్రాబాద్ కాంగ్రెస్ఎంపీ అభ్యర్థి దానం నాగేందర్ అన్నారు. సోమవారం అంబర్పేట చే నెంబర్ చౌరస్తాలో యూత్ కాంగ్రెస్ నగర అధ్యక్షుడు రోహిత్ అధ్యక్షతన యువభేరి సభ నిర్వహించారు. సీనియర్ నేత వీహెచ్, కాంగ్రెస్ పార్టీ నేషనల్ కోఆర్డినేటర్ సురభి సిద్వేదితో కలిసి దానం నాగేందర్ పాల్గొన్నారు. ఈ సందర్భంగా వారు మాట్లాడుతూ.. అసదుద్దీన్ఒవైసీ తెలంగాణలో పోటీ చేసి, బీజేపీ గెలిపించే ప్రయత్నం చేయొద్దని సూచించారు. తెలంగాణలోని మెజారిటీ ఎంపీ సీట్లు గెలిచి, రాహుల్ గాంధీని ప్రధానమంత్రిని చేయాలని పిలుపునిచ్చారు. కార్యక్రమంలో పీసీసీ సెక్రటరీ శంభుల శ్రీకాంత్ తదితరులు పాల్గొన్నారు.
