సెర్బియా స్టార్ నొవాక్ జకోవిచ్ ఏటీపీ ఫైనల్స్ టైటిల్ను సాధించాడు. ఫైనల్లో మూడో సీడ్ క్యాస్పర్ రూడ్ను ఓడించి రికార్డు స్థాయిలో ఆరో ఏటీపీ ఫైనల్స్ టైటిల్ను ఖాతాలో వేసుకున్నాడు. హోరాహోరీగా సాగిన ఫైనల్లో మొదటి సెట్ను జకోవిచ్ 7-5తో దక్కించుకున్నాడు. తొలి సెట్ను గెలిచిన జకో..రెండో సెట్లో మరింత జోరును కొనసాగించి..6-3తో సెట్తో పాటు..మ్యాచును కైవసం చేసుకుని విజేతగా నిలిచాడు.
జకోవిచ్కు ఇది 6వ ఏటీపీ ఫైనల్ టైటిల్ కావడం విశేషం. ఈ టోర్నీ చరిత్రలో జకోవిచ్తో పాటు..ఫెదరర్ కూడా ఆరు సార్లు విజేతగా నిలిచాడు. ఇక 2015 తర్వాత జకోవిచ్ ఏటీపీ ఫైనల్స్ విజేతగా నిలవడం ఇదే మొదటిసారి. గతంలో రెండు సార్లు ఫైనల్కు చేరుకున్నా..ఫైనల్లో మాత్రం ఓడిపోయాడు. అంతకుముందు సెమీఫైనల్లో జకోవిచ్ 7-6 (5), 7-6 (6)తో టేలర్‌ ఫ్రిట్జ్‌ (అమెరికా)పై విజయం సాధించి ఫైనల్ చేరాడు.
