సీఎం కేసీఆర్కు షర్మిల సవాల్
హైదరాబాద్, వెలుగు: దమ్ముంటే సిట్టింగులకు సీట్లు ఇచ్చి ఎన్నికల బరిలో నిలవాలని సీఎం కేసీఆర్కు షర్మిల సవాల్ విసిరారు. మీరు, మీ ఎమ్మెల్యేలు సుద్దపూసలు అయితే గెలిచి మీ పాలనకు ఇది రెఫరెండం అని ప్రూవ్ చేయండని కోరారు. తొమ్మిదేండ్ల నుంచి అవినీతిని ఏరులై పారించి, ఇచ్చిన హామీలన్నీ ఎగ్గొట్టారని ఆరోపించారు. కేసీఆర్ తన కుటుంబానికి పదవులు కట్టబెట్టి, ఉద్యమ ద్రోహులను నెత్తిన పెట్టుకున్నారని ఆదివారం ట్వీట్ లో ఫైర్ అయ్యారు. ఇన్నాళ్లు కేసీఆర్ దర్జాగా గడీల్లో ఉంటే ఎమ్మెల్యేలు బందిపోట్ల లెక్క ప్రజల మీద పడి దోచుకున్నారని మండిపడ్డారు. ఎమ్మెల్యేలను మారిస్తే తప్ప గట్టెక్కలేనని కేసీఆర్ తెలుసుకున్నారని అన్నారు.